Се зголемува бројот на деца алергични на кравјо млеко: Еве ги симптомите

Кравјото млеко е намирница која најчесто предизвикува алергии кај деца на возраст под пет години и претставува околу половина од сите алергии на храна кај деца на возраст под една година

Повеќето деца ја надминуваат, надраснуваат алергијата на кравјо млеко, односно со тек на време таа се повлекува

Стапката на деца хоспитализирани поради анафилакса предизвикана од храна се зголемила за 25% од 2006 до 2012 година – од 1,2 на 1,5 на 100 000 деца, според податоците собрани од американските педијатриски болници во текот на 2019 година. Сериозните симптоми во поголема мера се јавувале како резултат на млекото отколку на кикиритките или други јаткасти плодови.

Децата со алергија на млеко, во просек, ја имале првата алергиска реакција пред да наполнат две години. Најчести реакции биле повраќање, дијареја, осип и егзема

Кравјото млеко е намирница која најчесто предизвикува алергии кај деца на возраст под пет години и претставува околу половина од сите алергии на храна кај деца на возраст под една година. Повеќето деца ја надминуваат, надраснуваат оваа алергија, односно со тек на време таа се повлекува. Сепак, кај оние кај кои алергијата на млеко опстојува и во адолесценцијата и во возрасно доба, можни се сериозни реакции.

Опасни алергиски реакции

Кога станува збор за алергии на храна, телото третира одредени протеини како што се казеин и сурутка во млекото како натрапници, предизвикувајќи имунолошки одговор

„Алергијата на кравјо млеко предизвикува најголема загриженост. Многу луѓе не се свесни дека тоа може да предизвика сериозна анафилакса“, рече д-р Карла Дејвис.

Д-р Пол Тарнер од „Imperial College“ од Лондон советува дека на алергиите на млеко треба да им се посвети доволно внимание, исто како и кога станува збор за алергии на јаткасти плодови.

Кога станува збор за алергии на храна, телото третира одредени протеини како што се казеин и сурутка во млекото како натрапници, предизвикувајќи имунолошки одговор, пишува WebMD. Антителата познати како имуноглобулин (Ig) E, кои обично штитат од бактерии, вируси и паразити, предизвикуваат воспаление, се ослободува хистамин, а симптомите како што се осип, оток, повраќање, тешкотии при голтање и дишење може да се јават за неколку минути.

Симптомите може да се појават неколку часа, па дури и неколку дена по изложувањето на алергенот

Значи, она што го прави млекото здрав избор за децата, а тоа е големиот процент на протеини, може да предизвика сериозни алергиски реакции кај некои деца и возрасни.

„Не ви треба многу млеко за да добиете поголема доза на алерген“, додаде Тарнер.

Алергијата на млеко е нешто посложена од некои други алергии. Имено, иако во некои случаи оваа алергија може да се утврди со тест, кај некои луѓе тоа не е можно, а симптомите може да се појават неколку часа, па дури и неколку дена по изложувањето на алергенот.

Децата со алергија на млеко, во просек, ја имале првата алергиска реакција пред да наполнат две години. Најчести реакции биле повраќање, дијареја, осип и егзема.