Седуммесечно бебе се здобило со изгореници откако грицкало целер на сонце: Еве што треба да знаат родителите

Фитофотодерматитисот е состојба предизвикана од изложеност на фурокумарини (хемикалија која се наоѓа на површините на растенијата). Оваа хемикалија може да се активира со УВА зраците од сонцето. Ако вашата кожа дојде во контакт со хемикалијата и таа се активира, може да дојде до алергиска реакција

Станува збор за не толку позната реакција која се нарекува фитофотодерматитис

Седуммесечно бебе добило осип со меурчиња откако на сонце џвакало целер. Реана Бенџак на својата ќерка и дала стапче целер за да и ги смири непцата за време на никнување на запчиња. Семејството го поминувало денот на отворено и немало поим што го чека.

Имено, девојчето следното утро се разбудило со осип околу устата, кој изгледал како изгореница. Тоа всушност било почеток на не толку познатата реакција која се нарекува фитофотодерматитис, а се јавува при допирање целер, цитруси, смокви, моркови, див копар, магдонос и пашканат на сонце.

Експертите предупредуваат дека детето може да биде изложено на поголем ризик доколку има семејна историја на контактен дерматитис со други супстанции како метали или некои средства за чистење

„Немав поим дека тоа може да се случи“, додала мајката.

Од инцидентот поминале два месеца. Девојчето имало плускавци 10 дена, а потоа преминале во хиперпигментација и конечно исчезнале по шест недели. Биле доволни 20 минути на сонце за да се јави реакција.

Што велат експертите?

Фитофотодерматитисот е состојба предизвикана од изложеност на фурокумарини (хемикалија која се наоѓа на површините на растенијата). Оваа хемикалија може да се активира со УВА зраците од сонцето. Ако вашата кожа дојде во контакт со хемикалијата и таа се активира, може да дојде до алергиска реакција. Имајте на ум дека не секој ќе доживее фитофотодерматитис по изложување на фурокумарини. Експертите предупредуваат дека детето може да биде изложено на поголем ризик доколку има семејна историја на контактен дерматитис со други супстанции како метали или некои средства за чистење, пишува „Healthline“.

Експертите советуваат дека постојат одредени начини за спречување на оваа состојба, како што се миење раце и други откриени делови од кожата веднаш по престојот на отворено, носење ракавици при работа во градината, носење панталони и долги ракави во шумски подрачја и задолжително нанесување крема за сончање пред излегување на отворено.