ШТО АКО БЕБЕТО ИКА: Има ли причина за страв?

Лекарите објаснуваат дали има причина за загриженост, но и советуваат што треба, а што никако не смеете да правите во таква ситуација.

Новите родители, особено на самиот почеток, може да чувствуваат доза на загриженост кога бебето ќе почне да ика. Лекарите објаснуваат дали има причина за загриженост, но и советуваат што треба, а што никако не смеете да правите во таква ситуација.

Икањето кај новороденчето може да биде многу изненадувачко за родителите на прво бебе, но нема причина за паника. Тоа е нормална појава и нема потреба ниту да ја стопирате, ниту да ја спречувате.

“Се чини дека икањето повеќе им пречи на родителите отколку на бебињата. Многу родители се грижат дали на бебето му е лошо бидејќи ика. Тоа обично не е случај“, истакнува д-р Хилари Сисмонфо, педијатар од Арканзас.

Како и возрасните, и бебињата имаат голем мускул помеѓу абдоменот и градите – дијафрагма. Како тоа се движи горе и долу, така учествува во дишењето. Од време на време, како и останатите мускули, таа се грчи што предизвикување икање.

Со оглед на тоа дека не е јасно одредено што доведува до спазам (грчење), а некогаш нема апсолутно ниту една причина за тоа, докторката ги предупредува родителите да не користат некои непроверени лекови.

“Многу пати сум слушнала за лекови како шеќер, вода или лимон. Ништо од тоа не се покажало ефикасно, а плус и не е безбедно за бебето. Немојте да го правите тоа“, истакнува д-р Сисмонфо.

За да го смирите икањето, таа предлага на бебето да му дадете цуцла, да му го масирате грбот и да го нишате.

Превентива за икање, вели д-р Сисмонфо е редовна исхрана на бебето и следење кога тоа е гладно.

Таа нагласува дека икањето не треба да ги загрижува родителите, и дека на детето не му е непријатно, но сепак ако постои уште некој симптом, најдобро е да побарате педијатриски совет.

“Многу бебиња редовно и нормално ќе јадат и ќе си играат и покрај икањето. Но, ако тоа пречесто се случува, а е проследено со повраќање, лошо расположение на бебето, обратете се кај педијатар“, советува докторката.