Што треба да знаете за својот циклус кога се обидувате да забремените

Кога сте подготвена да основате семејство, чекањето веројатно не ви е опција. Фактот дека знаете оти немате контрола над ситуацијата, знае да обесхрабри. Сепак, постојат некои работи кои мора да ги знаете за своето тело како би ги зголемиле шансите за зачнување.

Пред официјално да тргнете на “работа за бебе“ посетете гинеколог. Посоветувајте се со него во врска со пренаталните витамини. Ако имате било какви здравствени проблеми, треба да ги излекувате или да ги држите под контрола, за да имате здрава бременост.

ЗАПОЗНАЈТЕ ГО СВОЈОТ МЕСЕЧЕН ЦИКЛУС

Жените треба да го разберат својот месечен циклус и однесувањето на организмот за да полесно останат бремени. Овулацијата е најдобро време за забременување. Свесноста за симптомите на овулацијата кои вклучуваат промени во цервикалната слуз (исцедокот е водлест и слузав) може многу да помогнат.

Останатите знаци вклучуваат еднострана болка во пределот на стомакот. Тогаш е вистинското време за зачнување. И предвидувањето на овулацијата може да биде од корист за препоставка на најдоброто време за зачнување. Првиот ден од менструацијата е почеток и се смета како прв ден. Жените кои имаат циклус на 28 дена, овулираат 14 ден од првиот ден на циклусот, но многу жени имаат пократки и подолги циклуси, па затоа треба да се прошири мрежата на датуми кои може да бидат од корист.