Во зависност од алергијата на која децата се склони, одредени спортски активности ќе бидат ефикасни за нивното здравје.
За децата со алергиски проблеми, занимавањето со спорт не е недостижна работа. Напротив. На децата им се препорачува физичка активност и спорт на основа на алергијата на која се подложни, истакнуваат пулмолозите.
Така, спорт во затворен простор како што се карате, џудо, одбојка, одговараат на деца кои се чувствителни на полен.
Од друга страна, спортовите на отворено, како што се тенис, фудбал, велосипедизам им одговараат на деца кои пак се чувствителни на грини и на домашна прашина.
Пливањето им се препорачува на сите, поради топлата влажна средина и јакнење на дишните мускули.
Сепак, не се препорачуваат спортови кои се одвиваат во посебни услови, каде концентрацијата на кислород е помала, а медицинската помош недостапна. Во такви спортови спаѓаат планинарење, нуркање, падобранство, параглајдерство. На децата кои се чувствителни на студено, не им се препорачува скијање и лизгање.
