И татковците може да успиваат бебе. Ако бебето еднаш се научи дека само мама успива, така и ќе биде. Но, зошто татковците не би ги успивале бебињата? Вистина е дека на мајките им е полесно, но не е невозможно и татковците да ја имаат таа улога.
Земете го бебето во прегратка и лулајте го
Обидете се да го поставите детето во положба да со лицето биде на вашето рамо и полека движете се или танцувајте. Поврзете се со бебето. Нека знае дека сте тука до него и дека сте му утеха при успивањето. Само мама прво нека го нахрани бебето, ако го дои. Постои и друг начин: мама пред крај на доењето нежно нека ви го даде бебето во прегратка. Ако бебето го храните со шишенце, можете се тоа да го направите сами.
Легнете со бебето на гради
Бидете трпелив. Ако пребрзо го одвоите бебето од себе, може да се вознемири и да се разбуди. Ако постојано се буди кога се обидувате да го ставите во креветче, ставете да го спие на вашите гради или легнете покрај него додека убаво не заспие.
“Ако шаките на детето се стиснати, а рацете свиткани, веројатно уште е во состојба на лесен сон и ќе се разбуди ако се обидете прерано да го спуштите“, советува познатиот педијатар д-р Вилиама Сирс.
Приспивна песна
“Што мајката интуитивно прави кога треба да го смири и успие своето дете? Пее, токму затоа што интуитивно знае дека нејзиниот глас ќе помогне да го смири детето. Детето го препознава нејзиниот глас кој му дава сигурност“, велат експертите. Сите приспивни песнички имаат полесно и лулачко темпо, што му помага на детето да се смири, да се опушти и да заспие.
