♦♦♦♦♦♦♦
Во текот на изминатите неколку месеци имаше контроверзии околу начинот на кој SARS-CoV-2, вирусот што предизвикува COVID-9, патува од заразено лице до другите лица. Иако официјалните упатства честопати беа нејасни, некои научници и експерти за јавно здравје тврдат дека вирусот се шири и преку аеросоли кои патуваат низ воздухот повеќе од два метра.
Податоците покажаа дека голем број луѓе се заразиле со вдишување на вирусот, а тоа најчесто се случува доколку физички не се дистанцирате
Во јули, 239 научници од 32 земји ја повикаа Светската здравствена организација (СЗО) да ја признае можната улога на преносот преку воздух во ширењето на SARS-CoV-2. СЗО го направи тоа и објасни дека не може да се исклучи можноста за пренесување на вирусот преку воздух, особено во затворени простории и места каде што има поголема гужва.
Истото го направи и Американскиот центар за контрола и превенција на болести (CDC), кој во своите упатствата наведе дека COVID-19 може да се шири и со аеросоли. Но, само три дена подоцна, CDC го повлече објавеното и рече дека е направена грешка. Во моментов, CDC не признава дека коронавирусот се шири на овој начин. Оттаму наведуваат дека примарен начин на пренесување на вирусот е близок контакт со заразено лице кое го излачува вирусот преку кашлање, кивање или зборување.
Постојано се открива нешто ново за вирусот. Но, среде пандемија, сите се обидуваме да се заштитиме. Некои препораки се јасни и дефинирани: носете маска, редовно мијте ги рацете со вода и сапун, избегнувајте гужви, држете дистанца.
Но, некои работи сè уште не се целосно јасни. На пример, ако вирусот се шири со аеросоли, колку е важен овој начин на пренесување во времето на пандемијата и колкава улога игра? Додека го чекаме одговорот, многу здравствени работници даваат различни совети кои помагаат во заштита на здравјето. Хемичарката Кимберли Пратер, експертот за вируси кои се пренесуваат преку воздух Линзи Мар и професорот Доналд Милтон за CBS наведоа неколку мерки на претпазливост што можете да ги преземете за да го намалите ризикот од инфекција.
Податоците покажаа дека голем број луѓе се заразиле со вдишување на вирусот, а тоа најчесто се случува доколку физички не се дистанцирате. За да ги намалите шансите за вдишување на вирусот, од витално значење е да се направат неколку чекори.
ВО ЗАТВОРЕН ПРОСТОР
- Дистанцирајте се физички. Што подалеку, толку подобро!;
- Носете маска кога сте во контакт со други луѓе, дури и ако можете да го одржувате потребното растојание. Маските ја намалуваат количината на вирус што доаѓа од заразено лице, но исто така ја намалуваат и можноста сами да го вдишите вирусот;
- Подобрете ја вентилацијата така што ќе ги отворите прозорците. Проветрете го просторот, проучете ги методите за прочистување на воздухот како што е филтрација.
НА ОТВОРЕНО
- Носете маска ако не можете да се оддалечите барем два метра од другите;
- Одржувајте ги групните активности на отворено секогаш кога е тоа можно.
