Со оглед на тоа дека децата на школска возраст се во развој, трошат многу енергија, како физичка, така и психичка, исхраната мора да го следи нивното темпо на живот, активности и потреби. За полесно да ги извршуваат своите дневни задачи, децата не смеат да бидат гладни подолг временски период, бидејќи тоа значително ќе им ја намали концентрацијата, способноста да ги решаваат проблемите, но и да ги контролираат мускулите. Меѓутоа, енергетските потреби на детето се менуваат во зависност од брзината на растењето и активностите во текот на денот.
Исхраната кај школските деца мора да содржи посебни намирници. Пожелни се намирници богати со калциум – млечни производи, зелен лиснат зеленчук, бидејќи тие имаат елементи кои помагаат во зајакнувањето на коските и забите. Продукти богати со витамин А, Ц и Д, го одржуваат нивото на одбранбениот механизам. Калиумот помага мускулите нормално да функционираат, а помага и во спроведуваењто на нервните импулси.
Разновидната исхрана вклучува овошје и зеленчук, како и житарки – леб, бисквити, галети. Благодарение на нив, оргнаизмот ќе има доволно енергија за да функционираат и мускулите и мозокот. Многу е важно и внесувањето на течности.
Како до здрава ужина
Најдобро е да комбинирате различни намирници – млечни производи, овошје, зеленчук, јаглехидрати. Често користете различен леб. Објаснете му да детето што е добро и што треба да се јаде секој ден, а што само понекогаш.
Исхраната треба да биде различна, во зависност од дневните активности на детето, и во зависност од годините. Помалите деца полесно се контролираат, додека оние повозрасните, кога веќе влегуваат во пубертет, па не ретко се срамат да носаат ужина од дома. Тие почнуваат да размислуваат за својот изглед, па заради тоа мора да обрнете внимание да не почнат да гладуваат, за да не се здебелат.
Како на децата во повисоките одделенија ужината да им биде примамлива?
Пред се, со поголемите деца треба да се однесуваме како со возрасни и така да се разговара со нив. Доколку на тој начин им објасните што значи здрава храна и колку грицките, слатките, брзата храна може лошо да влијаат на нивниот организам, тие тоа ќе го прифатат. Без да им објасните, не треба да им се наметнува ништо. Дозволете му сам да ги избере намирниците за ужина. Така подоцна ќе развие навика сам да се грижи за својата исхрана која пред се треба да биде здрава.
Колку и да се внимава на здравата исхрана, сепак понекогаш треба да му се дозволи на детето да проба и нешто „непрепорачливо„.
