Повеќето деца дезодоранси почнуваат да користат со почетокот на пубертетот, но некои деца и пред пубертетот имаат изразен и непријатен телесен мирис и им е потребен дезодоранс. Одржувањето на редовна хигиена е примарно и децата треба да се навикнуваат на неа од најрана возраст, а изборот на прв дезодоранс зависи од неколку фактори.
Редовната хигиена е најважна
Непријатниот телесен мирис под пазувите е поврзан со пубертетот, па првично е важно да се утврди дали вашето дете влегло во пубертет. Девојчињата главно влегуваат во пубертет помеѓу 8 и 13 години, а момчињата од 9 до 14 години.
Останатите знаци на пубертет вклучуваат раст на дојките, промени в гласот, влакна под пазувите и на половите органи. Ако некои од овие знаци ги забележите пред наведената возраст, обратете се кај лекар за да провери дали станува збор за предвремен пубертет, кој е се почест.
Можно е вашето дете и да не е во пубертет, но се поти поинтензивно од другите деца или има некоја бактерија која влијае на непријатниот мирис. Учењето на детето за редовноста на личната хигиена е исклучително важно. Таа вклучува секојдневно туширање, особено по спорт и физичка активност. Укажување на поголемо внимание на капењето ан одредени делови од телото како стапалата и пазувите. Секојдневното менување на долната облека и чорапите, како и носење облека од материјал што “диши’.
Дезодоранс на природна база
Доколку редовната хигиена не помага во намалување на непријатниот мирис, време е детето да почне да користи дезодоранс. На пазарот се достапни различни дезодоранси наменети за деца, но по состав не се ништо помалку различни од оние за ворасни.
Најдобра опција е да побарате дезодоранс со што помалку хемикалии, како што се фталати и парабени, а достапни се се повеќе дезодоранси на природна база, направени со комбинација на етерични масла кои го намалуваат непријатниот мирис.
Имајте предвид дека дезодорансот само спречува непријатен мирис, но не го спречува потењет. Антиперспирантите спречуваат потење, но обично се направени на алуминиумска основа, чие користење се поврзува со некои здравствени состојби и не се препорачливи за деца.
