Родителите постојано им даваат на своите деца различни информации кои првенствено служат како дел од воспитувањето и растењето. Но, она што го кажуваат или прават попатно, децата го слушаат и усвојуваат повеќе од она што директно го добиваат. Децата не знаат што се случува во главите на нивните родители, па затоа е важно одредени ситуации да им се објаснат на глас. Таквиот пристап помага за подобро градење на емоционалната интелигенција и регулација на детето, го учи како да се однесува кон другите, да изразува емоции и ранливост и да ја прифаќа вината. Важно е родителите неискажаните работи да ги кажуваат на глас и на девојчињата и на момчињата, но бидејќи покажувањето ранливост и емоции традиционално помалку се поттикнува кај машките деца, важно е момчето да слушне некои од овие работи од неговиот татко.
Убави зборови за мама
Да и кажете на партнерката дека ја сакатепред детето е прекрасно, но таа изјава можете да ја поткрепите со примери и да му објаснитена детето зошто ја сакате неговата мајка. Кога ќе ја видите како прави нешто убаво за вас, кажете го тоа гласно и дајте ѝ комплимент пред детето за да забележи дека ја цените нејзината грижа и љубов.
Вистината за тешките моменти
Важно е татковците да разговараат со своите момчиња за работи кои не одат според планираното и кои не случиле според планираното. Наместо да пцуете или да се лутите кога нешто ќе тргне наопаку пред вашето дете, кажете му дека сте се згрешиле и дека сте фрустрирани поради тоа. Исто така, искоментирајте што ќе направите поинаку следниот пат. Вака му покажувате дека е во ред да греши и дека не треба премногу да се вознемирува поради тоа и дека е добро да учи од своите грешки.
Изразување на емоции
Изразувањето среќа е добро, но искажувањето на тага или грижа е еднакво толку важно. Покажете им на вашите синови дека ранливоста е природна и дека секоја емоција е вредна, дури и ако некои не се пријатни.
Барање помош
Покажете му на вашиот син дека е во ред да побара помош. Тоа не мора да се епски гестови, доволно е да ја замолите партнерката пред детето да ви ја провери електронската пошта или да замолите од пријателот да ви го измасира болното рамо. На овој начин детето ќе научи дека неговиот татко е доволно силен и паметен да препознае кога не може да направи нешто самостојно и дека е важно во животот да се потпира на луѓето и да бара помош.
