Имуниот систем е најважниот борец во зачувување на нашето здравје. Без разлика дали се работи за настинка или за актуелниот вирус, многу е важно да се јакне имунитетот на детето, со цел на најдобар начин да се избори со тоа.
Клучот е во исхраната, а ние ви извдојуваме намирници кои на најдобар начин ќе го зајакнат имунитетот на вашето дете.
БАДЕМИ – бидејќи се преполни со витамин Е и манган.
БОБИНКИ – содржат голема количина антиоксиданти, и помагаат телото да се избори со оксидативниот стрес кој го предизвикуваат слободните радикали. Јагоди, малини, капини, брусница… Во овој период слободно може да се користат замрзнати.
ЈОГУРТ – пробиотиците во јогуртот го стимулираат имунитетот.
ЛОСОС – оваа риба е преполна со омега-3 масни киселини. Тие не само што се важни за развојот на мозокот, туку може да намалат воспаление и ги штитат белите дробови од респираторни инфекции.
ЈАЈЦА – науката покажала дека лицата со недостаток на витамин Д се посклони кон болести. Јајцата се одличен извор, кои покрај витамин Д, содржат и нутриенти кои го јакнат имунитетот, како витамин Б и селен.
БРОКУЛА – содржи голема количина антиоксиданти, витамин Ц, А и Е.
СПАНАЌ – во себе содржи многу витамини и минерали, како витамин А, Ц, Е и К, фолна киселина, манган, цинк, селен, железо. Сите тие на различен начин го јакнат имунитетот.
БАТАТ – слаткиот компир е преполн со бета каротен, за кој се покажало дека го зголемува бројот на леукоцити и нивната активност. Освен тоа, одличен извор е на витамин Ц, кој го јакне организмот.
СЕМКИ – семките од сончоглед, тиква, лененото семе, содржат витамин Е, цинк, омега-3 масни киселини, кои одлично делуваат на имунитетот.
ОВЕСНИ СНЕГУЛКИ – тие содржат бета глукан, компонента на која ги активира клетките кои се борат против бактерии, вируси и слични напаѓачи на организмот.
ЛУК – оваа намирница има огромен ефект на детскиот имунитет. Сулфурот во него помага белите крвни зрнца да се изборат со инфекциите. Освен тоа, го зајакнува и создавањето антитела, кои се борат со вирусите и бактериите кои му штетат на организмот.
