Во кој период од денот најчесто се раѓаат бебиња?

Британските научници направиле истражување во кое анализирале пет милиони породувања и дознале кога најчесто се раѓаат бебињата, но и зошто природните породувања почесто се случуваат во одредено време.

Научниците од Универзитетот во Лондон правеле истражување во кое анализирале пет милиони породувања помеѓу 2005 и 2014 година. Истражувачите забележелае дека само 28% од породувањата завршуваат од 09 до 17 часот во текот на работната недела.

Според податоците кои биле собрани во истражувањето, мајките во Англија најчесто раѓаат во четири часот наутро. Се покажало дека седум од 10 породувања се случуваат надвор од канцеларсикото работно време, односно неверојатни 71,5%. Над 50% од природните породувања се случуваат помеѓу 01 и 07 часот наутро, а најчесто околу 04 часот наутро.

Кога се случуваат природните породувања?

Од 1950 година, се промениле и трендовите во родилиштата, се зголемил степенот на интервенции, односно царскиот рез и индуцираното породување.

Д-р Питер Мартин, главен водач на ова истражување вели дека “долгогодишното искуство и истражување од другите подрачја, покажуваат дека природните породувања најчесто се случуваат ноќе или во раните утрински часови“.

“Тоа би можело да биде дел од нашата еволуциска историја. Нашите претци живееле во групи кои биле активни и распрснати во текот на денот, и се собирале и одморале навечер, па породување ноќе веројатно нудело заштита на мајката и на новороденчето“, објаснува тој.