Група светски стручњаци смета дека сите деца на возраст помеѓу 12 и 18 години, треба да направат превентивен преглед за депресија.
Депресијата кај младите може да предизвика долготрајно чувство на тага и губење на интерес за активности, а влијае и на нивниот успех во училиште, како и на односите со родителите и пријателите.
Кај повеќето тинејџери симптомите на депресија успешно се лекуваат, но често таа е потценета и останува неоткриена што се поврзува со растечките ризици за заболување од депресија и ризикот од суицид во возрасниот период.
Експертите заклучиле дека кај деца помлади од 12 години, нема потреба од правење скрининг, но дека и оваа возрасна група деца не треба да се занемари.
“Важно е да се открие депресијата, без разлика на возраста. Секој родител кој го загрижува однесувањето на детето или неговото расположение, треба за тоа да разговара со лекар, односно стручно лице“, вели д-р Алекс Кампер, професорка по педијатрија на Дјук универзитетот.
