Ново истражување открило дека децата родени со царски рез имаат релативно ниско ниво на бактеријата Bacteroides која е клучна за правилен развој на детскиот имун систем, а децата со ниско ниво на бактеријата Bacteroides имаат во просек три пати поголема веројатност од развој на чувствителност на кикирики до третата година.
Треба да се напомене дека ниското ниво на бактеријата Bacteroides исто така е проследено со ниско ниво на сфинголипиди, кои се клучни за здрав развој на имуниот систен и толеранција на храна.
Се смета дека поврзаноста помеѓу царскиот рез и проблемите со имуниот систем не е изненадување, со оглед дека се знае дека царскиот рез резултира со помала изложеност на микроби по раѓањето, а исто е и со недостатокот на доење. Овој недостаток на изложеност влијае на способноста на имуниот систем да созрее и да се прилагоди на животот надвор од матката.
Тој недостаток на изложеност и зрелост исто така е поврзан со несоодветни имунолошки реакции како алергии на храна, истакнуваат стручњаците.
Исто така, треба да имате предвид дека децата кои развиваат алергии на храна се соочуваат со поголем долгорочен ризи од развој на астма, егзема и/или алергиски ринитис.
