Несигурните деца често имаат проблеми во многу области од животот, во односите со другите луѓе, училиштето или останати обврски со кои се среќаваат во текот на денот. За да се спречи ова, психолозите издвојуваат кои се тие грешки што родителите треба да ги избегнуваат:
- Споредување на детето со други деца
Без разлика дали се работи за браќа и сестри или пријатели од градинка/училиште, психолозите предупредуваат дека постојаното споредување на децата со другите доведува до чувство на несигурност. Оваа грешка може да предизвика и завист и ниска самодоверба.
- Очекување перфекционизам од децата
Иако е разбирливо дека сите родители сакаат нивните деца да бидат успешни во сите области од животот, на сите им е јасно дека тоа не е можно. Очекувањето од децата секогаш да бидат совршени, најдобри и никогаш да не прават грешки, може да доведе до несигурност, но и чувство на инфериорност.
