Зошто по породување со царски рез треба да џвакате гума за џвакање?

Жените кои ќе се породат со царски рез, треба по породувањето секојдневно да џвакаат гума за џвакање, велат стручњаците.

Многу жени по царскиот рез страдаат од постоперативен илеус, што е всушност медицински термин за “мрзливи“ црева по овој зафат.

 

Студија спроведена во Филаделфија покажала дека нормалното функционирање на цревата може да се врати со џвакање на гума за џвакање, три пати дневно по 30 минути.

Лекарите им советуваат на пациентите да јадат по операцијата за цревата да не станат мрзливи, но на мајките по царскиот рез, тоа е веројатно последната работа на која им текнува. Но, стручњаците велат дека со џвакање на гума за џвакање може да го излажат телото да помисли дека јадат. За време на џвакањето се произведува и плунка, со што на мозокот му се испраќа сигнал дека цревата работат, нагласуваат експертите.

Гума за џвакање треба да се консумира три пати дневно по 30 минути.

Постопертивиниот илеус е честа појава по операцијата на стомак и царскиот рез, а се смета дека оваа состојба предизвикува воспаление кое се добива при отворање на стомакот. Во најголем број случаи, состојбата спонтано се подобрува за два или три дена, но во меѓувреме може да дојде до надуеност, вртоглавица и констипација.

Д-р Виченцо Бергела и д-р Томас Џеферсон од Филаделфија, по студијата, утврдиле дека жените кои џвакаат гума за џвакање по царскиот рез, од мрзлите црева се опоравуваат за околу шест часа побрзо од оние кои не џвакале.