Истражувањето објавено во списанието Journal of Pediatrics, открило дека децата од предучилишна возраст кои легнуваат порано имаат многу помал ризик од дебелина во тинејџерските години. Со други зборови, добрата и доследна рутина за спиење може да игра клучен фактор за спречување на прекумерна тежина подоцна во детството.
“Други студии ги покажаа придобивки од легнувањето порано врз однесувањето на децата, когнитивниот развој и концентрацијата. Редовната рутина за спиење, вклучително и рано легнување, исто така е поврзана со помалку проблеми со спиењето, како што се ноќните буди или потешкотии со заспивањето.” изјави авторот на истражувањето Сара Андерсон.
Според неа, во прашање не е нужно точно одредено време во кое детето оди на спиење, туку квалитетот и квантитетот на сонот има трајни последици врз многу аспекти на однесувањето. Изненадувачки, сè, од способноста за управување со емоциите, проблеми со менталното здравје, хормони до метаболизам може да биде под влијание на недостатокот на сон.
Оваа година, Американската академија за медицина на спиењето објави препораки за спиење за децата по возраст, вклучувајќи ги и попладневен сон:
- Бебиња од 4 до 12 месеци: 12 до 16 часа сон
- Деца од 1 до 2 години: 11 до 14 часа сон
- Деца на возраст од 3 до 5 години: 10 до 13 часа сон
- Деца од 6 до 12 години: 9 до 12 часа сон
- Тинејџери од 13 до 18 години: 8 до 10 часа сон
Според овие насоки, целосно е јасно дека родителите треба да се прашуваат колку рано нивното дете треба да оди во кревет за да спие доволно часови, наместо да прашуваат кое е “нормално“ време за спиење.
