Следењето на видот кај децата би требало да почне по раѓањето и да продолжи низ детството и растењето. Добриот вид и здравите очи се од најголемо значење кај децата, со оглед дека околу 80% од се што детето учи, учи визуелно. Лошиот вид обично доведува до фрустрации кај децата, и се одразува со лош успех во училиште и спортовите.
Знаци кои укажуваат дека вашето дете лошо гледа се:
- Детето замижува, затвора или го покрива едното око. Ова веројатно го прави бидејќи гледа матно или сликата му се дуплира.
- Едното око бега на страна. Дури и ако окото малку бега, задолжително појдете кај офталмолог.
- Детето ја држи книгата близу лицето додека чита и/или седи многу блиску до телевизорот. Ова многу лесно може да бидат знаци на кратковидност.
- Очите на детето солзат или се црвени. Ова може да биде знак на инфекција или алергија.
- Ја помрднува главата на една страна додека набљудува нешто.
- Со прст ја следи реченицата што ја чита и многу брзо не знае каде застанало.
Има главоболка и му се врти. Ако е во прашање видот, ова се јавува како последица на напрегање нешто да види јасно.- Често ги трла очите, трепка и го стиска окото. Ова може да биде знак дека детето има проблем да ги фокусира предметите.
- Бојата на зеницата е белузлава. Ако го забележите ова, веднаш обратете се на лекар, бидејчи многу е веројатно да се работи за сериозен проблем кој треба што побрзо да се реши.
- Детето има лоши оцени во училиште, често е замислено и не е мотивирано. Некогаш се случува да детето е хиперактивно и ви се чини дека е трапаво. Во вакви ситуации, многу е често детето слабо да гледа и да губи концентрација. Детето можеби и не е свесно дека не гледа како останатите деца.
