Децата повторуваат и прават исти работи кога се уморни, гладни или кога едноставно им е доста од се, а игнорирањето на знаците кои детето ви ги покажува, е една од честите родителски грешки. Со поправање на истите, може да се направи голема разлика во односот со детето.
- Премногу сте негативни
“Не ја удирај сестра ти“, “Престани да удираш со топката“, се само некои од работи кои му ги кажувате на своето дете. Некој не сака да воспитува дете кое не ги разбира границите, но родителите го кажуваат зборот “не“, толку многу пати, што децата остануваат глуви на тој збор, и тој веќе нема значење. Наместо да му речете на детето “Не стој во кадата“, кажете му “Седни во кадата бидејќи многу се лизга“.
- Очекувате премногу од децата
Сигурно сте се нашле во некоја ситуација со вашето дете каде времето и местото изискуваат да бидете тивки, но вашето дете никако тоа да го сфати. Фокусирајте се на тоа да му покажате на детето како сакате да се однесува. Исто така, потребно е време и повторување како децата би научиле некои работи.
- Само зборувате, но не покажувате со пример
Вашите деца продолжуваат со лошо однесување, кога предупредувањата се нејасни. Поставите ограничувања и држете се до нив. За да ги научите децата да следат правила, објаснете им ги вашите очекувања, а потоа превземете мерки ако ги прекршат. Ако сакате детето нешто да направи, кажете му да престане со играта и да направи работата. Ако ве послуша, заблагодарете му се, а ако ве игнорира, земете му ја играчката се додека не ја заврши работата.
