Според Американската академија за педијатрија, во првите 12 месеци од животот на бебето не се препорачува да се става баш ништо на просторот (во креветчето) каде што спие бебето, а тоа вклучува ќебенца, плишани играчки и перници. Исклучок се вреќите за спиење, со кои бебето е практично завиткано и нема опасност да се извлече од нив или со нозете или рацете во текот на спиењето да ја префрли врз својата глава. Но, не постојат само работи кои се потенцијално опасни во близина на бебето кога спие. Постојат и места кои исто така не се безбедни за спиење. Ова се четири од нив.
Столчиња за лулање или на вибрација
Бебињата не треба да се оставаат во столчиња за лулање без надзор. Ако бебето кратко преспие во своето столче, си игра во неа во текот на денот или го тешите пуштајќи вибрации, тоа се прифатливи постапки. Но, ноќното спиење на ваква столица е опасно бидејќи имало случаи на гушење. Главата може да дојде во неповолна положба, блокирајќи ги дишните патишта. Постарите деца, од друга страна, може да се повредат обидувајќи се да станат од столот.
Седишта за во завтомобил кога не се во автомобилот
Кога седиштето за автомобил не е правилно монтирано во автомобилот, главата на детето може да „падне“ како во случајот со столиците за лулање и да го загрози протокот на воздух низ дишните патишта. За спиење може да ги искористите само во ретки ситуации кога некој е во непосредна близина на детето и може да го контролира секоја секунда.
Кауч, фотелја и слично
Бебето само што учи да се движи и не знае како да го контролира своето тело. Понекогаш можат да се стркалаат, па не можат да се вратат назад поради недостаток на сила. Ако бебето се придвижи кон перницата, тоа може да го загрози неговото дишење. Или ако „тргне“ на спротивната страна, лесно може да заврши на подот.
Нишалки
Главниот безбедносен проблем е компромитирање на дишните патишта, како и со сите останати предмети на оваа листа. Детето во нишалка треба да поминува време исклучиво со присуство на возрасно лице.
