Процесот на одвикнување од цуцла не е воопшто едноставен и за детето и за неговите родители. Како што објаснуваат психолозите, постојат одредени совети кои треба барем малку да ни олеснат да се ослободиме од цуцлата, а еве за кои совети станува збор.
Постепено скратувајте ја употребата на цуцлата
Еден од најдобрите начини за одвикнување на цуцлата е постепено да го намалувате времето на давањето на цуцлата на детето, додека тоа само не се одвикне и престане да ја сака и бара. Како што објаснуваат експертите, тоа е многу подобра опција отколку наеднаш да му се одземе цуцлата на детето бидејќи не е толку инвазивна и му дава време да се навикне.
Бидете искрени
На родителите им се советува и да бидат целосно искрени и отворени во комуникацијата со своето дете во однос на одвикнувањето од цуцла. Психолозите велат дека на детето треба да му се објасни дека веќе нема потреба од цуцла, да му се објасни зошто и да се биде директен во комуникацијата.
Престанете да ја нудите цуцлата
Во процесот на одвикнување од цуцла голема улога имаат и родителите кои понекогаш знаат да се предадат и да му понудат цуцла на детето кога ништо друго не функционира или кога ќе видат дека е вознемирено и не може да се смири. Експертите советуваат да го избегнуваме ова, бидејќи самото одвикнување ќе биде многу потешко.
Намалете ја количината на цуцли во домот
Наместо детето да има неколку цуцли, како родители треба да се ограничиме само на една. Така, откако ќе се изгуби, тоа ќе значи крај на нејзината употреба.
