Новогодишните празници се вистинско време да се радуваме, уживаме со најмилите, но и да донесеме некои големи одлуки. Секако дека предизвици и грешки секогаш се случуваат и тоа е нормално, но постојат некои одлуки што ќе ви дадат можност да го подобрите родителството и да го олесните животот со децата.
Крис Кетли, експерт за родителство открива 5 новогодишни одлуки кои можат да ви го разубават животот со децата.
- Трудете се да бидете доволно добри, не совршени
Често создаваме некои идеологии и се обидуваме да трчаме по совршенство. Никој нема ист живот, исти деца, па затоа е невозможно да се достигне сликата што ја гледате кај другите. Да се биде доволно добар значи да се следат потребите на детето, да се прилагодува на животот, па дури и да се дозволи нездрава вечера, малку повеќе цртани од време на време.
- Бидете упорни со своите правила и граници
За да го воспитате детето, важно е да постојат некои правила. Ако го правите она што ќе кажете дека ќе го направите, така и детето го учите да го контролира својот живот.
- Не ги потценувајте децата
Ако ја потценувате способноста на детето, тоа подоцна ќе направи проблем со неговата самодоверба. Дајте му можност да биде самостојно и одговорно, секако, следствено на возраста. Немојте да отидете ниту во друга крајност, па да очекувате од нив премногу или да ги споредувате со други деца.
- Слушајте ги
Подоцна децата ќе сакаат да ви раскажуваат работи за својот живот ако сега им дадете можност и ги слушате. Оставете ги да зборуваат, вклучете се, набљудувајте ги.
- Уживајте и забавувајте се
Сите знаеме дека смеата е најдобриот лек и дека на сите неизмерно ни е пријатна. Потрудете се во оваа година повеќе да се посветите на забава и дружење со децата, одвојте време за семејството.
