Иако нашиот имун систем може да се одбрани од повеќето нечистотии, не е лошо да обрнете внимание на некои делови во домот.
Детско седиште за во автомобил
Иако сите за детските седишта размислуваат низ призма на безбедност, овој дел од автомобилот може да собере многу бактерии. Како родител веќе знаете дека детето постојано е во движење, а децата постојано нешто грицкаат и истураат. Британците спровеле студија за да откријат колку навистина се валкани седиштата за во автомобил. Земале 20 детски седишта и откриле дека просечно се наоѓаат 100 бактерии и граби на нив, вклучувајќи Ешерихија коли и салмонела кои можат да предизвикаат различни болести. За споредба, во тоалетот се наоѓаат 50 бактерии и габи на ист простор, што значи дека никако не би било лошо да се сичисти и од тој дел од автомобилот.
Паметни телефони, таблети…
Секое дете сако своите мали прстиња да ги стави на таблетот или телефонот на мама и да проба како работи, но бидете внимателни. Доволно е само да се стави таблетот на светлина и да се забележат дамки што се наоѓаат на него. Во едно истражување, биле споредени 30 таблети, 30 паметни телефони и даска од веце шолја и биле пронајдени многу повеќе стафилококи на таблетите отколку на толаетната даска.
Тепих и теписони
Сите деца сакаат да играат на под, но дали знаевте дека на тепихот живеат речиси 700 пати повеќе бактерии отколку во на даската од веце шолјата. Тоа вклучува вообичаени бактерии, но и Ешерихија коли, стафилокок и салмонела. Можеби не би било лошо да размислите и да забраните шетање во чевли во станот.
Рачки во бања и кујна
Сигурно се трудите редовно да ја чистите вашата бања, а сјајните керамички плочки само покажуваат дека се грижите за здравјето на вашето семејство. Меѓутоа, рачките постојано се користат и може да му се провлечат дури и на најдобриот чистач. Рачките во вашата бања имаат 21 пати повеќе бактерии од тоалетната даска, додека чешмата во кујната има 44 пати повеќе бактерии од тоалетната школка – сè се меша со храна и често се работи со влажни раце. Редовно чистете ги рачките.
Кујнски крпи
Во едно истражување, американските научници земале 1.000 кујнски крпи и сунѓери од кујна и откриле дека 10 отсто од нив содржат салмонела. Се чини дека не ги менуваме доволно често. Идеално би било да користите чиста кујнска крпа секој ден.
