Појавата на новиот сој на коронавирус во Англија предизвика загриженост, а научниците и медицинските истражувачи континуирано работат на утврдување на изворот на новата варијанта.
Новата варијанта на коронавирусот наречена „VUI 202012/01“ вклучува генетска мутација на шилестиот протеин што може да биде причина за брзото ширење.
Покрај трите најчести симптоми на COVID-19: треска, сува кашлица и губење на мирис и вкус, постојат уште седум клучни симптоми кои можат да бидат поврзани со новиот вид на коронавирус:
- Замор;
- Губење на апетит;
- Главоболка;
- Дијареја;
- Ментална конфузија;
- Болки во мускулите;
- Осип.
„Ако развиете какви било симптоми што би можеле да укажуваат на COVID-19, не ризикувајте – и вие и членовите на вашето домаќинство треба веднаш да се изолирате и да се тестирате што е можно поскоро“, советуваат истражувачите од „King’s College“, пишува „Тајмс оф Индија“.
Поради новиот сој на коронавирус, Велика Британија воведе нови ограничувања за спречување на ширењето на вирусот, а некои европски земји ги затворија своите граници со Велика Британија.
Секако, за да се заштитите, не заборавајте да се придржувате и до претходно пропишаните мерки како што се носење маска, одржување на дистанца и редовно миење на рацете.
