Во зимските месеци, зајакнувањето на имунитетот е особено актуелна тема, особено кога станува збор за децата, кои најголемиот дел од времето го поминуваат во затворени простории, градинки и училишта, што секако го забрзува ширењето на бројни болести. Покрај престојот на свеж воздух и редовната физичка активност, правилната исхрана секако е клучна за зајакнување на имунитетот кај децата.
Во месеците кога престојот на свеж воздух е намален, има помалку сезонски намирници и речиси сите почнуваат да јадат потешка, помрсна и зачинета храна, нашиот имунитет природно слабее. Шеќерите, калоричната и мрсната храна ја нарушуваат рамнотежата во нашето тело и тоа станува помалку отпорно на болести
Што всушност значи зајакнување на имунитетот? Тоа се здрави навики со кои му даваме на нашето тело се што му е потребно за да биде здраво и да остане здраво, нашиот имунитет успешно се бори со болестите во овие идеални услови.
Во месеците кога престојот на свеж воздух е намален, има помалку сезонски намирници и речиси сите почнуваат да јадат потешка, помрсна и зачинета храна, нашиот имунитет природно слабее. Шеќерите, калоричната и мрсната храна ја нарушуваат рамнотежата во нашето тело и тоа станува помалку отпорно на болести. Кога тоа се случува во исто време кога сезонски се зголемува бројот на респираторни заболувања, тоа е комбинација која бара дополнително внимание и труд од нас за да останеме здрави.
Јогурт и кефир – поради нивниот состав богат со здрави бактерии, тие се вистински природни пробиотици и го зајакнуваат нашиот имунитет, но и помагаат на дигестивниот систем да се опорави после болест
Оттука, која храна да ја користиме за да го зајакнеме имунитетот? Во продолжение, дел од најпопуларните намирници кои ќе ви помогнат вие и вашето семејство да останете здрави:
Бобинки – богати се со антиоксиданти, одлични се дури и во замрзната форма и се едноставни за употреба во многу смути и каши, но и самостојно во замрзната форма како сладолед-десерт.
Цитрусни овошја – за разлика од другите овошја, сезоната на цитруси започнува во студените месеци, а тие се идеален извор на витамин Ц. Без разлика дали ќе изберете лимони, мандарини, портокали или грејпфрут, сигурно нема да ви недостасува витамин Ц.
Лук – илјадници години се користи како зачин за јадења, но и како помошник во борбата против вируси, бактерии и габи. Некои дури го нарекуваат и природен антибиотик, а неговата консумација сигурно нема да ви одмогне кога ќе заболите од настинка или грип.
Зелен лиснат зеленчук – богат е со витамини А, Ц, магнезиум и фолати, кои ги исполнуваат сите услови зошто треба често да биде во вашата чинија.
Јаткастите плодови, мешунките и немасното месо се богати со цинк и магнезиум, многу важни хранливи материи за зајакнување на нашиот имунитет.
Омега 3 масни киселини – се наоѓаат во рибата и му помагаат на нашето тело да ги победи вирусите, но и побрзо да закрепне после болест.
Јогурт и кефир – поради нивниот состав богат со здрави бактерии, тие се вистински природни пробиотици и го зајакнуваат нашиот имунитет, но и помагаат на дигестивниот систем да се опорави после болест.
Треба да се има предвид дека при термичката обработка се губат бројни хранливи материи, па затоа е потребно внимателно да се пристапува кон намирниците и да се избере начин на подготовка со кој ги изложуваме на пократка термичка обработка.
