Бојата на очите открива колку поднесуваме болка на породување

Истражување покажува дека бојата на нашите очи може да открие колкав ни е прагот на толеранција на болка за време на породувањето.

Според едно ново истражување, бојата на очите може да укажува на тоа колку добро поднесуваме болка, негативни емоции, па дури и анксиозност. Истражувачи од Универзитетот Пистбург, следеле 58 бремени жени со бел тен и дошле до заклучок дека жените со светли очи (сини или зелени), подобро поднесуваат болка за време на породувањето.

Трудниците со темни очи чувствувале поголемо олеснување кога добиле епидурална анестезија, што укажува на тоа дека прагот на толеранција на болка им е понизок.

Мајките со плави очи по поридувањето помалку страдаат од анксиозност и депресија, отколку што е тоа случај со мајките со темни очи.
Иако е потребно уште да се истражува како би се утврдиле причиние кои стојат зад овие корелации, се претпоставува дека во прашање е генетиката.

Понатамошно истражување би требало да опфати поголем број на жени и да вклучи и жени кои не се бремени.