Бебето може да ја движи главата од една на друга страна. Многу е активно – многу се движи и ине ви дава да спиете. Растот на бебето се забавува, но тоа продолжува да добива на тежина. Рацете, нозете и телото се пополнуваат. Капаците на очите се често отворени кога бебето е будно, а затворени во текот на спиењето. Белите дробови се речиси целосно зрели.
Оваа недела вашето бебе е долго над 40 сантиметри, а тешко околу 1500 грама.
Можно е повремено да чувствувате контракции, кои во текот на наредните недели ќе бидат се посилни. Тоа е нормална појава во втората половина од бременоста кај многу жени. Овие т.н. Бракстон Хиксови контракции се неправилни – обично траат 30 секунди, нередовни се и не се болни. Меѓутоа, доколку контракциите траат подолго од една минута и се повторуваат во период од пет и повеќе минути во тек на еден час, тоа би можело да значи дека породувањето започнало. Повикајте лекар доколку сте загрижени, особено ако сте забележале крварење или ии претходно сте се породиле пред термин.
