Бебето сега е долго околу 39 сантиметри и тешко од 1.200-1.400 грама. Лануго влакненцата и наборите на кожата ги сменува од телото, а косата расте. Опкружено е со околу 700мл плодова вода, но таа количина ќе се намалува како бебето расте. Видот кај бебето и натаму се развива. Многу бебиња сега завземаат положба со главата надоле и така остануваат до породувањето.
Сега веќе веројатно ви е тешко да спиете навечер, бидејќи покрај болките во грбот и делот на карлицата, не можете да најдете соодветна положба. Неспиењето ќе доведе и до појава на замор, па искористете ја можноста да одморите и да спиете преку ден.
Можно е да бидете потрапави од вообичаено. Виновници за тоа се хормоните кои засилено се лачат и директно влијаат на олабавување на зглобовите и задржувањето на течности во организмот Опуштањето на тетивите доведува до ширење на стапалата, па можеби ќе треба да купите нови чевли со поголем број.
Бешиката е притисната и почесто ќе имате потреба за мокрење, но тоа не значи да престанате да внесувате поголема количина течности, напротив.
