COVID-19: Радиолог открива што значи бело, а што црно на СНИМКАТА НА БЕЛИ ДРОБОВИ

Белата боја на снимките е течност во внатрешноста на клетките, а последица на Ковидот е воспаление на белите дробови, како последица на воспалителниот процес таа течност излегува надвор од клетките и го исполнува просторот што треба да е исполнет со што е можно повеќе воздух за да може да се шират белите дробови, објаснува радиологот Милан Николиќ

„Црните бели дробови на снимката се добар знак бидејќи она што е црно е всушност воздух, а ако гледаме воздух, тоа значи дека имаме бели дробови кои функционираат правилно. Белата боја на снимките е течност во внатрешноста на клетките, а последица на Ковидот е воспаление на белите дробови, како последица на воспалителниот процес таа течност излегува надвор од клетките и го исполнува просторот што треба да е исполнет со што е можно повеќе воздух за да може да се шират белите дробови“, објаснува радиологот Милан Николиќ.

Течноста во белите дробови го оневозможува нормалното дишење

„Течноста во белите дробови го оневозможува нормалното дишење. На првата снимка кај короната не мора да се видат воспалителни промени врз основа на кои може да се констатира дека тоа е корона. Ако ги гледавме овие снимки во претходните години, веројатно немаше да помислиме на воспаление на белите дробови. Затоа е најдобро таков пациент да се прати на скенер. Скенерот може со сигурност да утврди дали станува збор за Ковид-пациент, па дури и ако тој ден донел негативен PCR-тест“, истакна Николиќ, гостувајќи на ТВ Прва. (Б92)