Д-р Славица Тодоровска: ВО ВРЕМЕ НА ЕПИДЕМИЈА НА КОРОНАВИРУС: Не одете на педијатар без претходна најава

Ако сте имале контакт со некој кој е потврден за коронавирус или е вратен од ризичните земји, а вашето дете качило температура, кашла, омалаксано е... - тогаш ќе се јавите телефонски кај вашиот педијатар, а тој ќе ве упати во болницата во Козле, каде што се згрижуваат деца сомнителни за коронавирус

Ако е неопходно да се дојде на преглед, тоа да се направи исклучиво во придружба на само еден родител: Д-р Славица Тодоровска, педијатар

Доколку имате потреба прво јавете се на вашиот педијатар, поразговарајте на телефон и бидете искрени во исказите за педијатарот да може да одлучи дали да одите на преглед или не. Но, никако не доаѓајте во амбуланта без претходна најава“,

⇒ апелира д-р Славица Тодоровска, педијатар, во склоп на препораките за посета на педијатриска ординација во време на епидемија на коронавирус

ЗДРАВИ ДЕЦА Посета во амбуланта на здрави деца во овој период не се препорачува (совет исклучиво по телефон)
ПИШУВА:
Д-р Славица Тодоровска
педијатар

♦♦♦♦♦♦

 Посета на педијатриска ординација во време на епидемија на коронавирус
  • Не одете во амбуланта без претходна најава;
  • Доколку имате потреба прво јавете се на вашиот педијатар, поразговарајте на телефон, бидете искрени во исказите, како би одлучил дали да одите на преглед или не;
  • Ако сте имале контакт со некој кој е потврден за коронавирус или е вратен од ризичните земји, а вашето дете качило температура, кашла, омалаксано е… – тогаш ќе се јавите телефонски кај вашиот педијатар, а тој ќе ве упати во болницата во Козле каде што се згрижуваат деца сомнителни за коронавирус, без да одите во матичната амбуланта, но никако сами да одите во Козле без претходно да се јавите;
  • Симптомите за коронавирус се покачена температура, сува кашлица, омалаксаност, а може да се појави и дијареја и повраќање;
ТЕЛЕФОНСКО ЈАВУВАЊЕ За сите потреби од лекарска помош за вашите деца најпрво јавете се на телефон
  • Доколку се работи за фебрилна состојба, а детето немало контакт со некој кој е потврден за коронавирус или е вратен од ризичните земји, и е во добра општа состојба, препораката е да се даваат електролити, течности и по потреба антипиретик од парацетамолски тип за температура над 38,5 Ц степени, како и ладење со туширање. Доколку за три дена не падне температурата да се јават кај матичниот педијатар;
  • Посета во амбуланта на здрави деца во овој период не се препорачува (совет исклучиво по телефон);
  • Доколку е неопходно да се дојде на преглед, тоа да се направи исклучиво во придружба само на еден родител.
КОВИД-19 Симптомите за коронавирус се покачена температура, сува кашлица, омалаксаност, а може да се појави и дијареја и повраќање

Заклучок: За сите потреби од лекарска помош најпрво јавете се на телефон, како би одлучил вашиот педијатар дали да одите во амбулантата или не, бидејќи постои и друга патологија освен коронавирусот, и би ви го закажал прегледот за да не се ствараат гужви кои придонесуваат за можно ширење на болеста.