Се почесто е прашањето од родителите до педијатрите за вршењето нужда кај децата, зошто детето не сака да врши нужда во нокшир, туку само во пелена и слично. За тоа постојат неколку причини.
Немам јас време за тоа!
Еден од нив е дека децата мораат да седат подолго време на нокшир за да се искакаат. Секако, следи бришење на задникот и миење раце. Иако на нас возрасните, 3,4,5 минути не ни се долго време, за децата тоа е цела вечност. На почетокот тоа можеби и не е голем проблем, оти тоа им е нова занимација. Но, набрзсо им станува досадна активност која потоа ја одложуваат на секој можен начин. Според детската логика, тоа е само одземање од времето за игра.
Со пелена е полесно
Многу деца увидуваат дека донекаде може да ја контролираат столицата, па почнуваат да ја задржуваат како би манипулирале со родителите и го добијат она што го сакаат – какање во пелена без прекинување на играта. А, со тоа задржување на столицата доаѓа и до запек, како и непријатност и болка при какањето. По ова пак следи задржување за да не се почувствува болка и непријатност, и сметаат дека ако не какаат повеќе, тоа чувство нема да го имаат.
Уф, како смрди!
Една од причините е и непријатната миризба на столицата. Возрасните често пред децата знаат да кажат дека изметот смрди и да прават разни гримаси или не ги скаат во своја близина. А, децата сето тоа го слушаат, па подоцна и тие не сакаат ништо во врска со тоа и не сакаат да слушнат грд збор од родителите или некој да бега од нив, па ја задржуваат столицата.
