Појавата на треска кај мало дете може да ги исплаши и вознемири родителите. Но, секое дете во детството во текот на ноќта имало треска, без разлика на внимателноста и грижата на родителите.
Треската се дефинира како телесна температура која е над 38 степени Целзиусови. Нормалната температура на телото е околу 36-37 степени. Оваа температура варира во текот на денот и може да се разликува во зависност од возраста, нивото на активност и други фактори.
Кога не треба да се грижите за треската на вашето дете?
Место за загриженост, сметаат лекарите, нема кога треската кај детето трае помалку од пет дена и кога тоа се однесува нормално, односно е расположено, и јаде и пие нормално.
За нормална температура кај дете се смета температурата до 39.2 степени на возраст од 3 месеци до 3 години или 39.4 доколку е постаро. Послаби трески се јавуваат доколку бебето или детето било вакцинирано. Овие видови трески се нормални доколку траат помалку од 24 часа.
Треската како состојба треба да ве загрижи кога:
- Бебе кое е помало од 3 месеци има треска. Треската може да биде единствената реакција на бебето кога е сериозно болно.
- Треската кај детето трае повеќе од 5 денови. Можеби ќе бидат потребни дополнителни испитувања за можните причини.
- Температурата е повисока од 40 степени.
- Детето не се однесува нормално, тешко се буди или не зема доволно течности. Бебињата кои не трошат по 3 пелени дневно или постари деца кои не уринираат на секои 8 до 12 часа може да бидат дехидрирани.
- Малото било вакцинирано неодамна и има температура над 38.8 степени или треска подолго од 24 часа.
