Стручњакот за лактација, Сара Силверстен објаснува што е тоа рефлекс на отпуштање на млекото и советува како да се справите со зголеменото излачување.
Станува збор за отпуштање на млеко од градите. Тоа е рефлекс кој се создава кога нервите во градите кај жената се стимулирани (обично од бебешката уста), сигналот отпушта окситоцин – хормон кој ги поттикнува клетките на ситните мускули да се контрахираат. Тие потоа испуштаат млеко во каналот. Времето на отпуштање варира од жена до жена, а некогаш и од хранење до хранење, но во просек е помеѓу неколку секунди и неколку минути.
Овој рефлекс обезбедува бебето да добие доволно млеко. Тој може да биде активиран дури и со сексуален контакт и психолошки фактори. На пример, кога подолго време сте доеле, може да забележите дека бебешкиот плач предизвикува налет на нова количина на млеко.
Повеќето мајки, отпуштање млеко го опишуваат како скокоткање или боцкање во градите, кое се случува набрзо по породувањето, а некогаш и неколку недели подоцна. Обично се јавува во двете дојки истовремено, така што е нормално капење на млеко од едната дојка, додека на другата го доите бебето.
Како да се носите со зголеменото лачење на млеко?
Ако вашето бебе се дави, гуши, кашла на самиот почеток на хранењето, или пак ја стега брадавицата надолу, тоа може да значи дека добива поремногу млеко, премногу брзо. Еве како може да влијаете на тоа:
- Намалете ги залихите кои ги создавате
- Дојте само на едната страна
- Проверете дали бебето ја фатило добро дојката
- Менувајте ја позицијата
- Побарајте стручна помош, ако е потребно
