Различни се мислењата за безбедноста на консумирањето туна, школки и сурова риба во бременоста, но знаете ли дека и ананасот е под лупа? Понекогаш може да излезат приказни дека јадењето ананас може да предизвика предвремено породување, но не постои научен доказ да таквото тврдење. Ананасот е безбедно и здраво овошје за бремената жена и во нормални количини, не може да штети.
- Безбеден во умерени количини
Ананасот содржи ензим бромелаин, а таблети бромелаин не се препорачуваат за време на бременоста. Иако овој ензим е компонента на јадрото на ананасот, тој е многу малку присутен во самото месо од ананас, кое го јадеме. Затоа, умерените количини на ананас не влијаат на бременоста.
Ананасот е богат со фолати, железо, магнезиум, манган, бакар и витамин Б 6. Сите овие хранливи материи се важни за развојот на бебето и за општото здравје на трудницата.
- Може да предизвика жиговина
Иако консумирањето ананас не предизвикува предвремено породување, јадењето големи количини може да има непријатни несакани ефекти, особено кај трудниците со почувствителен желудник.
Киселините во ананасот можат да создадат жиговина или желудочен рефлукс, така што умереноста е клучот за добра реакција. Ако јадете ананас за прв пат, обрнете внимание на можните симптоми на алергиска реакција како што се чешање и отекување на устата, промени на кожата, затнат нос ии течење на носот. За потешки реакции консултирајте се со лекар.
