Уф! Ако мислевте дека некој направил разместување на „мебелот“ во вашето тело за време на бременоста, сте биле 100 отсто во право.
Оваа неверојатна анимација од Музејот за наука и индустрија во Чикаго ги прикажува интересните промени во телото на мајката. Видеото кое делува по малку застрашувачки, покажува како телото се менува и се прилагодува на малиот патник. Да бидеме искрени, прилично е изненадувачки што не ни е толку непријатно во текот на тие месеци на растење на бебето во нашиот стомак.
За време на бременоста, органите се подготвуваат за бебето, правејќи простор за него. Промените кои притоа се случуваат, се предизвикани од поинаков проток на крв бидејќи срцето тогаш мора да работи понапорно, а бебето притоа ги притиска органите, особено мочниот меур, па трудниците ја чувствуваат онаа добро позната непријатност.
Не се менува само бебето, е описот на видеото кое ги прикажува сите промени што се случуваат во телото на жената, растот на матката, проширувањето на утробата, движењето на внатрешните органи и растот на градите. Видеото ги прикажува фазите на бременоста.
