Да се препознае токсичен родител понекогаш може да биде многу тешко, особено кога детето е сè уште мало и не знае како да разликува добар од лош однос. Сепак, психолозите објаснуваат дека постојат одредени знаци кои укажуваат дека родителите би можеле да бидат токсични, а најлесно можеме да ги препознаеме по речениците или фразите што им ги кажуваат на своите деца.
Стручњаците велат дека огромното мнозинство родители, честопати сосема несвесно, им кажуваат на децата одредени работи кои се исклучително штетни за нивниот ментален развој, а во исто време покажуваат дека се склони кон токсични обрасци на однесување кои ги користат во воспитувањето. Тие реченици се следниве:
- „Зошто не можеш да бидеш како него/неа“
- „Погледни што направи“
- „Поради тебе се чувствувам луто, лошо, тажно…“
- „Ме разочара“
- „Го правам тоа за твое добро“.
Сите овие, објаснуваат психолозите, се фрази што ги користат токсичните родители. Тие често ги споредуваат своите деца со други, ги обвинуваат за сопствените чувства, ги доживуваат како одреден „продолжеток“ на себе, а исто така знаат да ги критикуваат за секоја грешка што ја прават.
Исто така, токсичните родители секоја своја постапка ја оправдуваат со изјавата „го правам тоа за твое добро“, за да избегнат преземање на одговорност или какви било други дискусии. Тоа е исклучително лошо и негативно влијае на детето, додаваат експертите.
