На Британците им било кажано „или да бидат фит или да се разболат“ откако новите бројки покажале дека коронавирусот е пофатален за дебелите лица.
Новите податоци покажуваат дека дури 10% од Британците, околу седум милиони луѓе, ќе бидат заразени до крајот на мај.
Истражувањата на професорот Нил Фергусон од „Imperial College“ откриле дека оваа стапка на инфекција ќе продолжи дури и за време на затворањето на државата.
Фергусон, еден од водечките советници на владата за епидемиологија, изјави за „Сандеј тајмс“ како најдобро да се подготват луѓето за инфекцијата.
Тој рече: „Секогаш е подобро да останеме фит и здрави“.
-
„Треба да ги процениме ризиците од лична перспектива, вклучително да бидеме во форма и да го изгубиме вишокот на тежина“.
Статистичките податоци од NHS покажуваат дека 38% од луѓето кои биле примени на интензивна нега поради коронавирус се дебели, а 55% од тие пациенти умираат.
За дебелите лица на возраст над 60 години, стапката на смртност е уште поголема.
Фредрик Карпе, професор по метаболичка медицина на универзитетот Оксфорд, рече: „Ако имате голем стомак, тогаш кога ќе легнете, тежината ја бутка дијафрагмата нагоре, намалувајќи го волуменот на белите дробови. Во центарот на овој вирус е токму функцијата на белите дробови.“
Тој предупреди дека сите можат да бидат заразени, а да се биде во форма односно фит е најдобриот начин на подготовка.
Проф. Капре советуваше дека одењето е најдобриот начин за почеток, како и диета, и за две недели вашите бели дробови ќе имаат подобрен капацитет. (Дејли мејл)
