По неколкумесечно собирање на податоци, научниците се согласуваат: Делта варијантата е најзаразната верзија на коронавирусот ширум светот. Се шири околу два до три пати побрзо од оригиналната верзија на вирусот и моментално доминира во епидемијата во САД, одговорна за повеќе од 80% од случаите на Ковид.
Новата студија, објавена онлајн овој месец, фрла светлина на причината зошто е тоа така. Открива дека варијантата расте побрзо во респираторниот тракт на луѓето и на многу повисоки нивоа, објавија истражувачите од Гуангдонг провинцискиот центар за контрола и превенција на болести.
Во студијата, научниците ги анализирале пациентите со Ковид-19 вклучени во првото избувнување на делта варијантата во континентална Кина, што се случило помеѓу 21 мај и 18 јуни во Гуангжу, главниот град на провинцијата Гуангдонг. Истражувачите ги измериле нивоата на вирусот кај 62 лица вклучени во таа епидемија и ги споредиле со нивоата кај 63 пациенти заразени во 2020 година со рана верзија на вирусот
Во просек, вирусните оптоварувања кај делта инфекциите биле околу 1 000 пати повисоки отколку кај оние заразени со оригиналниот вид на коронавирус, се вели во студијата.
Покрај тоа, откако ќе се зарази со делта варијантата, лицето станува заразно порано. Во просек, биле потребни околу четири дена за да може делта варијантата да достигне детектибилни нивоа кај една личност, во споредба со шест дена за оригиналната варијанта на коронавирус.
Во студијата, научниците ги анализирале пациентите со Ковид-19 вклучени во првото избувнување на делта варијантата во континентална Кина, што се случило помеѓу 21 мај и 18 јуни во Гуангжу, главниот град на провинцијата Гуангдонг.
Истражувачите ги измериле нивоата на вирусот кај 62 лица вклучени во таа епидемија и ги споредиле со нивоата кај 63 пациенти заразени во 2020 година со рана верзија на вирусот.
Нивните откритија сугерираат дека луѓето кои се заразиле со делта варијантата, најверојатно го шират вирусот порано во текот на нивната инфекција.
Научниците ја потенцираат и важноста од итен карантин 14 дена откако ќе стапат во контакт со некој со дијагностициран Ковид-19, како што препорачува и Американскиот центаре за контрола и превенција на болести.
Или уште подобро, целосно вакцинирање. Прелиминарните податоци покажуваат дека во некои американски држави, 99,5% од смртните случаи од Ковид-19 во последните неколку месеци биле меѓу луѓе кои не биле вакцинирани, рече директорот на CDC, д-р Рошел Валенски на прес-конференција во Белата куќа на почетокот на јули.
- 97% од оние што моментално се хоспитализирани со Ковид-19 се невакцинирани, според Валенски
„Знаеме дека делта варијантата моментално расте во „џебовите“ на земјата со ниски стапки на вакцинација“, рече Валенски. „Ние исто така знаеме дека нашите авторизирани вакцини спречуваат тешки болести, хоспитализација и смрт од делта варијантата.“
„И покрај тоа што варијантата е попренослива, првичните болнички податоци покажуваат дека не го зголемува ризикот од хоспитализација во споредба со другите варијанти“, вели д-р Моника Ганди, која ги проучува заразните болести на Универзитетот во Калифорнија, Сан Франциско. (NPR)
