Со појавата на новите варијанти на коронавирус, списокот со симптоми станува се подолг и особено е важно да се биде внимателен. Најновите извештаи наведуваат уште седум симптоми на COVID-19 кои се разликуваат од трите вообичаени симптоми – треска, сува кашлица и губење на вкус и мирис.
Токму овие три симптоми (треска, сува кашлица и губење на мирис и вкус) можат да бидат рани индикатори за инфекција со коронавирус.
Но, експертите велат дека не треба да се ограничуваме само на класичните симптоми на коронавирус. Локалните здравствени власти од Ворингтон, Чешир во Велика Британија наведуваат уште седум симптоми на COVID-19, кои се знак да се пријавите за тестирање на вирусот.
- болка во грлото;
- болки во мускулите и зглобовите;
- дијареја;
- конјунктивитис;
- главоболка;
- осип;
- промена на бојата на прстите.
Според Тара Реј, директор за јавно здравје во Ворингтон, „во некои случаи во Ворингтон, лицата позитивни на коронавирус имале многу лесни симптоми или симптоми различни од трите класични“.
„Овие луѓе беа тестирани веднаш штом почнаа да се чувствуваат лошо и ни помогнаа да го запреме ширењето на вирусот околу Ворингтон“, додаде таа.
Иако симптомите на COVID-19 се слични на симптомите на грип или алергија, треба да се тестирате за коронавирус ако забележите симптоми. Додека не го добиете резултатот од тестот, треба да бидете во самоизолација за да не го ширите вирусот. Ако сте заразени со коронавирус и имате лесни симптоми, може да се лекувате дома. Ако имате висока температура, не заборавајте да пиете многу течности. Во случај на влошување на симптомите, побарајте лекарска помош.
