ИСХРАНА НА ДЕТЕ: Како да бидете сигурни дека бебето доволно јаде?

Без разлика дали го храните детето со мајчино или адаптирано млеко, еве што треба да знаете за да бидете сигурни дека детето доволно јаде.

Доколку сте збунети кога и колку вашето новороденче треба да јаде, не грижете се, не сте единствените. Тоа се всушност најчестите прашања кои ги поставуваат новите родители. Освен тоа, бебето во првата година од животот расте повеќе од кој било подоцен период во животот, двојно зголемувајќи ја телесната тежина и големина кога ќе наполни пет месеци, така што е важно детето да се храни колку му е потребно, за да може непречено да се развива во секоја фаза. Меѓу другото, бебињата поминуваат и низ т.н. развојни скокови.

КОЛКУ МАЈЧИНО МЛЕКО МУ ТРЕБА НА НОВОРОДЕНЧЕТО?

  • Се прашувате колку бебето треба да јаде?

“Како педијатри, велиме дека бебето треба да се храни на барање“, вели педијатарката Џенифер Трахтенберг од Њујорк, асистент на Медицинскиот факултет The Mount Sinai. Кога е се во ред, доењето е целосно доволно. Кога бебето цица ги поттикнува градите да произведат доволна количина на млеко кое ќе ги задоволи неговите прехранбени потреби. Кога на бебето му треба повеќе храна – повеќе цица, поттикнувајќи го вашето тело да произведува повеќе. Секакао, се претпоставува дека бебето и вашите гради ќе соработуваат.

Тешко е да се одреди колку јаде новороденчето кога го доите. Можете да го користитте овој водич за да проверите дали детето јаде доволно.

Од моментот кога ќе ви дојде млекото, бебето ќе зема 60 до 90 милилитри млеко во текот на секое доење, а до крајот на првиот месец ќе стигне и до 120мл. Додека мајката и бебето не се ускладат ќе бидат потребни од 20 до 45 минути за секое доење, или можеби и повеќе.

Исто така, често прашање е и колку хранења му требаат на бебето? Можете да очекувате дека бебето ќе јаде секои два до три часа (или повеќе), односно 8 до 12 пати во денот. Додека бебето и мајката  се уште се навикнуваат на доењето, едно хранење може да трае дури 20 до 45 минути, па и повеќе. Но, тоа доење ќе ви помогне да го имате потребното млеко, така што, во секој случај, тоа е добро поминато време. Како стомачето на бебето станува поголемо, ќе може да јаде поголема количина на млеко, така што и периодите помеѓу хранењето ќе бидат подолги – околу три до четири часа. А, доењето ќе биде поефикасно и поедноставно, обично бебињата земаат 90% од потребното млеко во првите 10 минути од хранењето.

КОЛКУ АДАПТИРАНО МЛЕКО ТРЕБА ДА ИСПИЕ НОВОРОДЕНЧЕТО?

Една од предностите на хранењето на детето со формула, е што родителот може точно да измери колку бил внесот на храна. Родителите гледаат дали шишето останало празно или не.

  • Еве колку новороденчето треба да испие:

Милилитрите се милилитри, па адаптираното млеко просечно има исто калории колку и мајчиното млеко, така што вкупната количина на адаптираното млеко кое детето треба да го испие е иста. Но, распоредот на хранење на детето кое пие адаптирано млеко е поинаков од детето кое е на мајчино млеко.

Со оглед дека на бебето му треба повеќе време да го сварат адаптираното млеко, потребно е и повеќе време помеѓу оброците. Новороденчето, веројатно ќе биде гладно секои три до четири часа, а ќе јаде околу 60мл во секој оброк, а до крајот на првиот месец ќе дојде и до 120мл. Очекувајте дека секој месец ќе јаде околу 30мл повеќе додека не дојде до количина од 180 до 240мл, што обично се случува околу шестиот месец. Општо, околу 900мл адаптирано млеко на ден е најмногу што бебето треба да испие (во тој период се преминува на дохрана, што почнува околу 6. месец).

  • Што ако се комбинира адаптирано и мајчино млеко?

За мајките кои ги комбинираат двата вида млеко, нема правила колку често и колку количински новороденчето треба да испие од одреденото млеко. Она што би трбало да е цел, е детето на јаде од 6 до 8 оброци на ден од исто млеко, но со оглед дека мајчиното и адаптираното млеко, нутритивно се исти, едноставно треба да ја најдете вистинската комбинација за вашето дете.

  • Се уште се прашувате колку детето треба да јаде и колку често?

Следнава табела може да ви помогне полесно да се снајдете зависно од возраста на бебето.

Табелата на хранење е направена според информациите од Детската болница ‘The King’s Daughters’, за тоа колку оброци и која количина, па не мора постојано да размислувате за тоа дали вашето бебе е гладно или не. Околу шестиот месец од животот, бебето почнува да се запознава со храната.

  • Од раѓање до првиот месец: од 60 до 120мл – 7 до 8 хранења дневно (за деца кои се дојат и повеќе)
  • Од 1. до 3. месец: од 150 до 180мл – 5 до 7 хранења
  • Од 3. до 6. месец: од 180 до 240мл – 4 до 6 хранења
  • Од шестиот месец до првата година: од 210 до 240мл + дохрана – 4 шишенца дневно + 2 до 3 оброци цврста храна
  • Знаци дека бебето доволно јаде

Кога станува збор за новороденче, колку често ќе го храните зависи од тоа колку бебето сака да јаде. Треба да ги следите знаците кои бебето ги покажува кога е гладно – рефлекс на барање (кога бебето го допирате по образ, а тоа почнува да ја врти главата и почнува да мрда со устата како да цица) или со усните прави како да цица пред да почне да плаче и да вика.

Обрнете внимание на тие знаци, дури и кога бебето е нахрането, и ќе знаете дали и понатаму е гладно ако активно цица и гласно голта. Кога ќе престане да цица и ќе ги опушти рачињата, има поспан изглед – ќе знаете дека бебето доволно јадело.

Проверката на бебешката пелена исто така може да биде еден од знаците дали бебето јадело доволно. Мокра пелена на секои три до четири часа е добар знак. Столицата не е толку сигурна, оти некои бебиња имаат голема нужда секој пат по јадење, а некои и еднаш на ден.

“Како бебето се однесува и расте е најважната работа“, вели педијатарката Џенифер Трахтенберг од Њујорк, асистент на Медицинскиот факултет The Mount Sinai.

Со мерење на тежината на бебето, вашиот педијатар ќе ви каже дали бебето напредува добро или не. Бебињата обично добиваат од 15 до 60гр дневно во првите три месеци.