Поместувањето на часовникот не е лесно за никого, особено кога се поместува нанапред и со тоа ни скратува еден час сон. Особено е тешко децата да се прилагодат на овие промени, кои по поместувањето на часовникот може да бидат нервозни, ненаспани, лути, бесни, плачливи…
Промената на часовникот ни претстои на 30 март, а сертифицираниот детски консултант за спиење Лиадан Колинс објаснува како родителите можат да ги подготват децата за поместувањето на часовникот што помалку се одрази врз нив.
Промена на ритамот
Некои деца не се премногу чувствителни на промени во рутината, но има и деца кои се многу чувствителни на тоа и секоја промена во распоредот во голема мера им го нарушува сонот.
Ова кај нив може да доведе до давање отпор пред спиење, често будење во текот на ноќта, па дури и будење порано наутро.
Постепено прилагодување
За поместувањето на часовникот што помалку да влијае на рутината на вашето дете, обидете се постепено да го навикнете на промената во рутината.
„Прилагодете се на промената на времето со тоа што ќе ја поместите дневната рутина на вашето дете, вклучувајќи оброци, дремки и време за спиење, 15 минути порано секој ден во период од четири дена“, вели Лиадан.
Ова значи дека, на пример, ако вашето дете обично легнува во 19 часот, четири дена пред промената, поставете ги часовниците на 18:45 часот. Потоа, три ноќи по промената на часовникот, детето нека си легне во 18.30 часот, две ноќи по менувањето на часовникот, детето нека си легне во 18.15 часот, а ноќта пред промената на часовникот, во 18 часот.
Исто така, би било добра идеја да го поместите утринското будење и дневните дремки на ист начин.
„Овој постепен метод може да помогне ‘непречено’ да се префрлат на нов распоред без многу пореметувања. На тој начин, кога ќе се смени часовникот, детето ќе ја има истата рутина, само во ново време“, вели Лиадан.
Поделете ја разликата
Третата работа што можете да ја направите е да ја прилагодите дневната рутина на вашето дете – времето за спиење, оброците, дремките – за викенд или два дена пред поместување на часовникот – така што ќе го поместите половина час напред во сабота и половина час во недела.
