Филип Калвин МекГреј, познат како д-р Фил е познат американски телевизиски водител, кој со своите совети од полето на психологија, на многумина им помага да ги решат проблемите и да се носат со нив. Сигурно барем еднаш сте се запрашале зошто вашиот тинејџер носи погрешни одлуки кои може да му ја уништат иднината и зошто попуштаат пред притисокот од своите врсници. Д-р Фил нуди неколку совети како да се биде подобар родител, како да забележите дека детето се соочува со некаков проблем, и како правилно да се изборите со задачите на родителството.
Пет знаци дека вашето дете се соочува со проблеми
Изолираност од семејството
Ако вашето, инаку друштвено дете, поминува голем дел од времето во изолација, заклучено во својата соба или надвор од домот, знајте дека има некаков проблем. За неговото оддалечување од вас постои причина.
Драстични и нагли промени на расположението
Дали вашето дете е зборлесто и пријателски расположено во еден момент, а молчаливо и луто само неколку моменти подоцна? Не го препишувајте тоа само на растењето. Д-р Фил тврди оти тоа се знаци дека детето се дружи со погрешни луѓе или поминува низ хормонски, невролошки или социјални промени.
Детето почнало да консумира алкохол или дрога
Тинејџерите често почнуваат да експериментираат со дроги и/или алкохол без знаење на своите родители. Ако се сомневате дека тоа се случува, мора да побарате докази и знаци кои ќе ги потврдат вашите сомнежи.
Во семејстото имате некој кој се соочил со алкохолизам или наркоманија
Ако во вашето семејство постои некој кој се лекувал од алкохолизам или злоупотреба на дрога, или вие имате проблем со завиности, поголема е веројатноста дека тоа ќе се случи и со вашиот тинејџер. Д-р Фил нагласува дека тој проблем може и не мора да биде поврзан со генетиката, но доволно е да постои образец за таквото однесување кој може да се пренесе и на тинејџерот.
Превземање ризик
Немојте да мислите дека маркирањето, вандализмот и ситните кражби, се само дел од растењето на детето. Д-р Фил предупредува дека е лош знак ако детето станува сигурно во себе, невнимателно и не се грижи за последиците од своите дела.
Останати знаци кои треба да ги воочите
Лошите оценки, користење на уличен јазик, намален интерес за хоби и недостаток на разбирање на родителските вредности, се само некои од показателите. Д-р Фил ги предупредува родителите дека непризнавањето е најлошо. Не се залажувајте и не мислете дека лошите работи ги прават само туѓите деца – бидете свесни што се случува со вашиот тинејџер и погрижете се и тие да ги разберат последиците од своите постапки.
