Многу родители се соочуваат со проблем кога менито на детето се состои од само неколку намирници. Тие се свесни дека децата не јадат доволно зеленчук, а не внесуваат ниту многу овошје. Секој обид да се внесе некоја нова намирница, создава напнатост и за детето, и за целото семејство. Она што ги става во дилема родителите, е што навидум детето нема никакви проблеми, весело е и здраво. Што на ова одговараат педијатрите?
“Ако детето јаде десет или помалку намирници, потребно е да се направи преглед да се воочат причините и постоечката селективност во менито. Но, пред се, настојувајте детето да го вклучите во подготовката на храната. Нека учествува во миењето на намирниците, играта со нов, декорација и ставање на чинијата, и сетоа тоа без силење да ги проба, односно да ги стави во уста. Тоа поттикнува зближување со намирниците, па со тек на време ќе сака и да ги проба. Кога му послужувате оброк на детето, обидете се храната да ја аранжирате што попривлечно. Постоењето на ваков проблем нема да успеете да го надминете со присила. Најдобро е прво да се консултирате со педијатар, за стручна помош, а може да побарате и психолошки совет“, велат педијатрите.
