Како престојот во затворено влијае на детската кожа?

Поради пандемијата со коронавирус, се советува зачестено миење на рацете и седење дома, што дополнително може да ја исуши кожата кај детето. Ова се совети како да се негува детската кожа во овие вонредни околности.

Кожата е нашиот најголем орган, која чини 18% од вкупната телесна тежина и ни помага во одржување на внатрешната температура, штити од штетни бактерии, повреди и алергени. Но, за непречено да ја извршува својата заштитна улога, многу е важен нејзиниот заштитник – микробиомот. Тој е прва линија на одбрана на телото од разни болести, а неговото созревање во текот на детството представува пресуден чекор во развојот на имуниот систем во возрасниот период.

КАКО ДА СЕ ЗАШТИТИ ДЕТСКАТА СУВА КОЖА?

Поради превентивните мерки против коронавирусот, приморани сме на престој во услови кои можат дополнително да ја исушат кожата, особено ако неколку фактори делуваат истовремено. Обрнете внимание на некои од главните причини за појава на сува кожа:

  • Агресивни сапуни
  • Домашно затоплување
  • Дехидрација

Еден од главните знаци на дехидрација, односно невнесување на доволна количина течности во организмот се испуканите усни. Препораката за дневен внес вода според детската возраст е следнава:

5-8 години – пет чаши вода

9-12 години: седум чаши вода

Над 13 години: осум до девет чаши вода

  • Екстремни временски услови и сонце
  • Претесна облека
  • Предолг престој во вода – капењето треба да се ограничи на максимални 10 минути.

Сето ова резултира со појава на сува кожа која може да се подели во три категории:

Благо сува кожа – изразено ситни лушпи на кожата, умерено црвенило без болка

Умерено сува кожа – лупење, црвенило и јадеж, можни пукнатини на кожата

Изразени сува кожа сколна на атопија – изразено лупење на кожата, чешање, болно црвенило и можно крвавење од испуканата кожа