Резултатите од ново клиничко испитување сугерираат дека првата терапија со лекови за забавување на прогресијата на кратковидноста кај децата може да биде на хоризонтот.
Имено, тригодишна студија покажала дека дневна капка мала доза на атропин во секое око, лек кој се користи за проширување на зениците, била поуспешна од плацебо во инхибиција на издолжување на очите кај кратковидните деца на возраст од 6 до 10 години.
Инаку, тоа издолжување води до миопија или кратковидост, која започнува кај малите деца и продолжува да се влошува во тинејџерските години пред да се изедначи кај повеќето луѓе. Покрај тоа што бара доживотна корекција на видот, кратковидоста го зголемува ризикот од одвојување на мрежницата, макуларна дегенерација, катаракта и глауком подоцна во животот.
Приближно секој трет возрасен во светот е кратковид, а глобалната преваленца на миопија се предвидува да се зголеми на 50% до 2050 година.
Безбедноста на лековите била оценета во поголем примерок од 573 учесници, во кои биле вклучени и деца на возраст од 3 до 16 години. Двете формулации со ниски дози биле безбедни и добро толерирани. Најчести несакани ефекти биле фотосензитивност, алергиски конјунктивитис, иритација на очите, проширени зеници и заматен вид, иако извештаите за овие несакани ефекти биле малку.
Извор: JAMA Ophthalmology
