Делта сојот се повеќе ги напаѓа децата, а еден симптом се истакнува како доминантен, велат педијатрите.
Исто така, се јавува и болка во пределот на челото кај тинејџерите кои веќе имаат проблеми со синусите, а кај другите деца таа болка може да биде и дифузна. Сепак не треба секоја главоболка автоматски да се поврзува со Ковид-19
„Симптомите не се драстични, нема висока температура, децата не се чувствуваат лошо и нема потешки клинички слики“, вели д-р Дејан Јонев, педијатар од Здравствениот дом Чукарица, Белград, кој објаснува дека еден симптом е особено забележлив.
„Главоболката доминира како симптом кај сите деца за кои постоеше сомневање дека се позитивни на Ковид-19. Тука е и течење на носот и кашлање, но нема упорни температури, ниту промени на белите дробови“, наведува тој.
И педијатарот д-р Саша Миличевиќ, исто така, вели дека главоболката се издвојува кај децата.
„Почесто е придружена со покачена температура, поретко е изолирана. Исто така, се јавува и болка во пределот на челото кај тинејџерите кои веќе имаат проблеми со синусите, а кај другите деца таа болка може да биде и дифузна“, вели тој, додавајќи дека сепак не треба секоја главоболка автоматски да се поврзува со Ковид-19.
„Честопати е придружено со кашлица, слаб апетит, течење на носот и температура. Малите деца не можат ни да кажат дека имаат главоболка, можно е и нив да ги боли, но немаат начин како тоа да ни го објаснат. Претходно, доминантен симптом беше дијарејата, но таа сега воглавно укажува на стомачен вирус“, рече д-р Миличевиќ, пишува „Мондо“.
