Научниците открија дека рекордни 4,9 милиони луѓе имале Ковид-19 во Велика Британија минатата недела. Во Англија секој 13. е заразен со вирусот, а Шкотска објави дека 1 од 12 лица кај нив е заразен со вирусот. Вакцината ја прекина врската помеѓу случаите и тешката болест, а тоа значи дека вирусот може да се лекува како и секоја друга респираторна болест, рекоа министрите. Зголемувањето на инфекциите во голема мера се должи на BA.2, подваријанта на омикрон, која е многу поефикасна во заобиколувањето на имунитетот и се шири побрзо. Најважно е, сепак, што не предизвикува значително зголемување на бројот на пациенти во болниците. Луѓето закрепнуваат по неколку дена дома, а некои нема да имаат никакви симптоми.
Ажурираната листа на симптоми сега ги вклучува овие девет нови симптоми: отежнато дишење, чувство на замор или исцрпеност, болки во телото, главоболка, болки во грлото, затнат нос или течење на носот, губење на апетит, дијареја, се чувствувате болно или сте болни
Официјалната листа на симптоми на инфекција со Ковид-19 во Велика Британија е проширена за уште девет, а според ажурираните упатства објавени од UKHSA (Агенција за здравствена безбедност на Обединетото Кралство), тие сега вклучуваат и болки во грлото, болки во мускулите и дијареја.
Британскиот јавно-здравствен систем NHS продолжува да предупредува дека многу нови симптоми се слични на оние кои се јавуваат кај настинки и грип, пренесува „Би-Би-Си“.
Ажурираниот список е објавен после повеќе од две години по почетокот на пандемијата и само неколку дена откако беше укинато бесплатното тестирање за Ковид-19 во Англија.
Досега, изворните знаци на инфекција со коронавирус препознаени во Англија беа следниве: треска, постојана кашлица и губење на чувството за мирис или вкус. Иако Светската здравствена организација и другите земји, вклучително и САД, веќе некое време користат подолг список на симптоми на инфекција со Ковид, во Велика Британија се водеше дебата за тоа кои симптоми треба да се препознаат за некој воопшто да може да се квалификува за тест за Ковид.
Само главоболката, која е познат симптом на Ковид, сама по себе не е доволна за да се испрати лицето на тестирање, за разлика од треската, кашлицата или губењето на чувството за мирис или вкус, кои се присутни во повеќето случаи на инфекција со Ковид или се речиси исклучиво предизвикани токму од тој вирус.
Ажурираната листа на симптоми сега ги вклучува овие девет нови симптоми: отежнато дишење, чувство на замор или исцрпеност, болки во телото, главоболка, болки во грлото, затнат нос или течење на носот, губење на апетит, дијареја, се чувствувате болно или сте болни.
Инфекциите со Ковид во Обединетото Кралство се на рекордно високо ниво, со 4,9 милиони луѓе (приближно еден од 13) моментално позитивни на вирусот. Но, нема обврзувачки „мерки“.
NHS советува дека луѓето треба да останат дома и да избегнуваат други контакти само ако имаат симптоми на Ковид и висока температура или ако нивните симптоми се толку изразени па не се доволно здрави за да одат на работа.
„Главните симптоми на коронавирусот конечно се сменија после две години лобирање за тоа… Ура!“, искоментира професорот Тим Спектор од Кралскиот колеџ во Лондон, кој исто така водеше и кампања за проширување на листата на симптоми, потпирајќи се на податоците од луѓето кои ги следат нивните симптоми во апликацијата Zoe Covid-19.
