Во 90 проценти од случаите на луѓе кои починале откако заболеле од Ковид-19, болест предизвикана од коронавирус, имале и некоја друга болест, покажуваат податоците на британскиот здравствен систем. Станува збор за прва сеопфатна статистика за починатите од Ковид-19 во Англија и Велс, пренесува Хина.
Податоците собрани во март укажуваат дека луѓето со срцеви заболувања, потоа деменција, пневмонија и хронични опструктивни белодробни заболувања, се изложени на најголем ризик од смрт од Ковид-19. Овие статистички податоци ги потврдуваат заклучоците на лекарите дека вирусот, генерално, не е опасен за здравите луѓе во добра физичка форма.
Според овие податоци, мажите во однос на жените, имаат значително поголем ризик од смрт и нивната смртност е двојно поголема
Иако на подрачјето на Велика Британија опфатени со статистичката анализа во март се регистрирани 3.372 смртни случаи на Ковид-19, оваа болест е на третото место како причина за смрт, а пред неа се деменцијата и срцевите заболувања. Се работи за еквивалент од 69 починати на 10.000 жители.
Коронавирусот е одговорен за седум проценти од сите смртни случаи во март во Англија и Велс.
