Лекарите и научниците сè уште учат за долгорочните ефекти на Ковид-19, па дури и со вакцините и бустерите кои ни се достапни, симптомите може да траат. „Долгорочниот Ковид или пост-акутен Ковид влијае на мноштво органски системи“, вели д-р Деванг Сангави. „Почнувајќи од глава до пети, остава зад себе повеќе симптоми кај голем дел од пациентите кои се опоравиле од Ковид-19, пренесува „Eat This, Not That“. Во продолжение симптоми на Ковид-19 кои не треба да се игнорираат.
„Луѓето се чувствуваат преморени, несигурни, вознемирени, беспомошни, фрустрирани, под стрес и исцрпени“, вели д-р Лиза Меклин, психијатар во здравствениот систем „Хенри Форд“. „Со влошувањето и постепеното опаѓање на менталното здравје, исто така гледаме и гнев, депресија, несоница и зголемена злоупотреба на супстанции, како и забележано зголемување на изолација и осаменост
1 Дијабетес тип 2
Долготрајниот Ковид е поврзан со дијабетес тип 2, или предизвикувајќи го или влошувајќи го кај оние кои веќе имаат дијабетес. „Постојат голем број фактори кои се чини дека се поврзани во неодамнешните студии со долгиот Ковид, почнувајќи од работи како дијабетес тип 2 до вирусно оптоварување… како и работи како што се автоантитела. Ние навистина не разбираме многу, но буквално учиме од недела во недела, од месец во месец“, вели д-р Ентони Фаучи.
„Една теорија е дека воспалението во телото предизвикано од коронавирус предизвикува отпорност на инсулин, карактеристика на дијабетес тип 2, што значи дека телото не е во состојба правилно да го користи инсулинот што го произведува“, вели д-р Феј Рајли.
2 Мозочна магла
Мозочната магла е еден од најчестите симптоми и на Ковид-19 и на долгиот Ковид.
„Одредувачката карактеристика што многу пациенти ја споменуваат е неможноста целосно да се концентрираат“, вели д-р Моник Вајт-Домингез, лекар од „Sameday Health“ во Лос Анџелес. „Се чини дека најмногу е погодена краткорочната меморија, способноста да се потсетиме на она што сме го направиле пред 35 минути. Тоа може да биде некој кој е навистина здрав, успешен извршен директор во доцните 20-ти, кој мисли: „Го заборавив тој состанок. Имав дури осум различни потсетници на мојот телефон и сè уште не можев да се сетам на него.“
3 Болка во градите
Болката во градите е познат симптом на долгиот Ковид, како и заморот. „Тешкиот замор е вообичаен по инфекцијата со коронавирус, исто како што е и по секоја сериозна болест. Многу луѓе се соочуваат со отежнато дишење, болка во градите или палпитации“, вели кардиологот Венди Сузан Пост. „Секој од овие проблеми може да биде поврзан со срцето, но тие исто така може да се должат на други фактори, вклучувајќи ги последиците од тоа што сте биле многу болни, продолжената неактивност и поминувањето недели во закрепнување во кревет. Би требало да се консултирате со лекар ако некои од вашите симптоми се тешки, особено останување без здив“.
Не е невообичаено да се забележат пробивни инфекции“, вели д-р Сангави. „Фактор што доведува до тоа е времето од првичната вакцинација. Како што поминува повеќе време, имунитетот против инфекцијата опаѓа, а антителата во телото на човекот се ниски
4 Депресија и анксиозност
Не е изненадување дека проблемите со менталното здравје се во пораст од почетокот на пандемијата, благодарение на факторите како што се осаменоста и долготрајната изолација. „Луѓето се чувствуваат преморени, несигурни, вознемирени, беспомошни, фрустрирани, под стрес и исцрпени“, вели д-р Лиза Меклин, психијатар во здравствениот систем „Хенри Форд“. „Со влошувањето и постепеното опаѓање на менталното здравје, исто така гледаме и гнев, депресија, несоница и зголемена злоупотреба на супстанции, како и забележано зголемување на изолација и осаменост.
Мозочната магла е еден од најчестите симптоми и на Ковид-19 и на долгиот Ковид
5 Пробивни инфекции
Дури и целосно вакцинираните луѓе сè уште можат да заболат од Ковид-19, поради што е важно да бидете внимателни во врска со варијантите на вирусот и да бидете свесни какви се случаите во вашата заедница. „Не е невообичаено да се забележат пробивни инфекции“, вели д-р Сангави. „Фактор што доведува до тоа е времето од првичната вакцинација. Како што поминува повеќе време, имунитетот против инфекцијата опаѓа, а антителата во телото на човекот се ниски. Тогаш, очигледно, овие вакцини биле создадени за различен вид, така што ефикасноста на самата вакцина можеби нема да биде толку добра за омикрон во споредба со делта, како во споредба со алфа, за што беше првично дизајнирана“.
6 Како да останете безбедни
Следете ги препораките и помогнете да се стави крај на оваа пандемија, без разлика каде живеете – вакцинирајте се или примете бустер доза колку што е можно побрзо. Ако живеете во област со ниски стапки на вакцинација, носете маска за лице N95, не патувајте, одржувајте социјално растојание, избегнувајте големи гужви, не одете во затворени простории со луѓе со кои не живеете (особено во барови) и мијте ги рацете за да го заштитите вашиот живот и животите на другите.
