ЛИОНЕЛ МЕСИ СО ПОРАКА: Останете дома, им благодарам на сите што работат во првите редови и се борат во болниците

Еден од најдобрите фудбалери на сите времиња порача дека е време да бидеме одговорни и да останеме дома и притоа упати специјална благодарност до здравствените работници ширум светот

Лионел Меси се наоѓа во самоизолација: Со синовите Матео и Сиро

♦♦♦♦♦♦♦

Еден од најдобрите фудбалери на сите времиња, Аргентинецот Лионел Меси им порача на луѓето ширум светот „да бидат одговорни и да останат дома“ за да го победат коронавирусот.

„Сега е време да бидеме одговорни и да останеме дома. Овие се комплицирани денови за сите нас. Здравјето мора секогаш да биде на прво место. Ова е вонредна ситуација и мора да се следат упатствата на здравствените организации и државните тела. Тоа е единствен начин на кој може да се бориме ефикасно“, порача ѕвездата на „Барселона“.

  • Меси упати специјална благодарност до сите здравствени работници ширум светот.

„Сакам да им се заблагодарам на сите што работат во првите редови и кои се борат во болниците и здравствените установи“, додаде најдобриот фудбалер во светот.